VESTFIRÐIR

eru næstum því eyja!

Af hverju

Sagan, hún byrjar svona:

Þessi tröll á Vestfjörðum,
þau vildu ekki gera göng
eins og eru núna á Vestfjörðum.
Þau eru stór
og það er ekki erfitt fyrir þau
að labba yfir fjöll.

En, þau hugsuðu:
Hér er Breiðafjörður.
Hann er mjög stór.
En, það er engin eyja!

Og þau hugsuðu líka:
Hér er Húnaflói.
Hann er mjög stór.
En, það er engin eyja!
Okkur langar að hafa eyjur hérna!
Það er gaman.
Það er fallegt!

Þau fóru að hugsa meira.

Kannski er hægt að búa til eyjur!
Og þau sögðu: Við ætlum að moka hér
við Kollafjörð og Gilsfjörð.
Það verður ekki svo lengi gert!

Við ætlum að moka og henda þessu
út í Breiðafjörð
og út í Húnaflóa.
Þá fáum við eyjar líka!
Vestfirðir verða eyja
og margar eyjur í Breiðafirði
og margar eyjur í Húnaflóa.

Þau mokuðu og mokuðu.
Breiðafjörður er grunnur fjörður.
Það komu margar eyjur í Breiðafjörð.
En, Húnaflói er mjög djúpur flói.
Allt sem tröllið mokaði fór niður á botn.

Tröllin mokuðu alla nóttina.
Tröllið sem var að moka við Húnaflóa
var tröllskessa.
Hún var mjög reið
af því að Húnaflói er mjög djúpur
og það var erfitt að búa til eyjur.

Tröllkarlinn og tröllskessan
sem voru að moka við Breiðafjörð,
þau voru mjög ánægð
af því að þau voru að búa til margar eyjur!

Eyjarnar eru óteljandi á Breiðafirði.

Og, nóttin leið
og það var að koma morgunn.

En, tröllin voru ekki að hugsa um það.
Þau voru bara að hugsa um
að moka og moka
og búa til eyjur eða reyna að búa til eyjur.

En, af því að þau er nátttröll
þá er það hættulegt!
Þau mega ekki sjá sól.

Og svo kemur sólin upp!
Og tröllkarlinn og tröllskessan við Breiðafjörð
reyna að hlaupa heim í fjallið.
E n, þau eru of sein
og þau verða að steini!
Þau eru núna steinar við Drangavík í Kollafirði.

Tröllskessan við Húnaflóa var mjög reið
af því að hún var bara búin að gera
eina eyju í Húnaflóa!
Hún fór að hlaupa þegar sólin kom upp
og enginn hefur séð hana síðan.

Tröllskessan og tröllkarlinn
í Drangavík í Kollafirði.

Eftir þetta eru óteljandi eyjur í Breiðafirði
og ein eyja í Húnaflóa sem heitir Grímsey.

Tröllunum tókst ekki
að gera Vestfirði að eyju.
Enginn hefur reynt aftur
að gera Vestfirði að eyju.
Vestfirðir eru fastir við Ísland
en það eru bara tíu kílómetrar
á milli Húnaflóa og Breiðafjarðar
í dag.