Um atviksorð
|
 |
| Atviksorð eru stór orðflokkur sem vonlaust er að læra utanað, enda er alltaf hægt að búa til ný, t.d. með viðskeytinu -lega Þau skiptast í þrjá aðalflokka:
staðaratviksorð sem segja til um HVAR eitthvað er eða gerist - dæmi: þar, hér, utan, sunnarlega, inn, heiman tíðaratviksorð sem segja til um HVENÆR eða HVE OFT eitthvað er eða gerist - dæmi: þá, núna, aldrei, reglulega, strax, uppi, háttaratviksorð sem segja til um HVERNIG eitthvað er eða gerist - dæmi: vel, fallega, mjög, aldeilis, alveg. Sum atviksorð stigbreytast en önnur ekki. Dæmi um stigbreytingu: Hún syngur VEL, hann syngur BETUR, en Lóló syngur BEST. Mörg staðaratviksorð áttbreytast þ.e. eru mismunandi útlits eftir því hvort þau merkja "hreyfingu til staðar", "dvöl á stað" eða hreyfingu frá stað". Dæmi: út - úti - utan
inn - inni - innan
upp - uppi - ofan
niður - niðri - neðan
hér(na) - hingað - héðan
fram - frammi - framan
heim - heima - heiman
suður - 0 - sunnan Rétt eins og lýsingarorð standa með öðrum orðum, geta atviksorð staðið með: sagnorðum - dæmi: Óli var einn HEIMA, lýsingarorðum - dæmi: Mér finnst hann OFSALEGA skemmtilegur, öðrum atviksorðum - dæmi: Þetta gengur ANSI vel. Í hóp atviksorða ratar gjarnan alls konar skemmtilegt slangur og tískuorð. Dæmi (kanntu fleiri?): Þú ert ÞOKKALEGA ruglaður. Þetta er FERLEGA gaman. Hún er ÝKT skrítin.
|