Aðalverkefni
|
|
| | |
| Frétt í skólablaðið
Nú hefur þú fengið nýtt starf! Nýja starfið þitt felst í því að skrifa frétt fyrir skólablað Íslenskuskólans. Byrjaðu á að skoða skólablaðið frá því í desember. Ákveddu hvernig frétt þú vilt skrifa. Svaraðu spurningum neðar á þessari síðu. Semdu fréttina og sendu hana til kennarans þíns. Skólablaðið verður gefið út fljótlega eftir að námskeiðinu lýkur. Leiðbeiningar 1. Skólablað Íslenskuskólans var gefið út í desember 2003. Nemendur á tilraunanámskeiði skrifuð fréttir og greinar í blaðið. Nú skalt þú skoða skólablaðið: Allt blaðið (1,48 MB) Stakar síður: 1 - 2 - 3 - 4 - 5 - 6 - 7 - 8 - 9 - 10 Á rauðu blaðsíðunum er efni eftir nemendur. 2. Nú skaltu ákveða hvernig frétt þig langar til að skrifa. Mundu að það er margt sem hægt er að skrifa um. Til dæmis um: áhugamál, frægt fólk, starf foreldra, gæludýr, skólann þinn, ferðalög, borgina sem þú býrð í og margt fleira. Þessar fyrirsagnir geta kannski gefið þér hugmyndir: Frábær árangur í íþróttum Vitlaus glæpamaður Frægasti maður í heimi Harry Potter og Áhugamál krakka á Íslandi Góð kvikmynd Nýr tölvuleikur 3. Blaðamenn nota oft sex mikilvægar spurningar þegar þeir skrifa fréttir fyrir blöð og tímarit: Hver? - Hvað? - Hvar? Hvenær? - Hvers vegna? - Hvernig? Nú skaltu svara spurningunum hér fyrir neðan (í huganum eða á blaði). Svörin hjálpa þér að semja fréttina.
a) Fyrirsögn á fréttinni þinni. á) Hver er aðal persónan/atburðurinn? b) Hvað gerist? d) Hvar og hvenær gerðist það? ð) Hvers vegna gerðist það? e) Hvernig gerðist það? Hér getur þú líka nálgast nokkur góð ráð |
|
| | | | |