Snorri Sturluson
|
|
| | |
| Lestu söguna og svaraðu verkefninu Snorri Sturluson Frægastur af öllum fornmönnum er Snorri Sturluson. Snorri var ekki bardagamaður. En hann var gáfaður, orti kvæði og samdi bækur. Frá því Snorri var þriggja ára ólst hann upp hjá fóstra sínum. Það var Jón Loftsson í Odda, voldugasti goðinn á öllu Íslandi. Í Odda gat Snorri lært mikið og lesið bækur. Þegar Snorri var orðinn fullorðinn varð hann sjálfur goði. Þá bjó hann í Reykholti í Borgarfirði. Hann átti líka fleiri sveitabæi og fjöldann allan af kúm og kindum. Hann varð ríkasti maður á öllu landinu. Þegar Snorri var í Noregi var hann gestur hjá kónginum. Hann orti kvæði um kónginn og fékk gjafir í staðinn. Heima á Íslandi skrifaði Snorri bækur. Hann skráði sögur af heiðnum goðum og bók um norska konunga. Til er saga af langa-langa-langa-langa-langa-langafa hans, sem hét Egill Skallagrímsson og var frægur bardagamaður og skáld. Margir halda að Snorri hafi skrifað þessa sögu. Snorri lifði á Sturlungaöld og átti í ófriði við aðra goða. Einu sinni komu óvinir hans að Reykholti um miðja nótt, fundu Snorra í felum og drápu hann. | Snorri þrufti ekki að vinna erfiða vinnu þegar hann var barn. Hann mátti læra að lesa eins og hann vildi. Margt af því sem við vitum um fornmenn stendur í gömlum handritum. Í Reykholti hafði Snorri laug með heitu vatni til að sitja í. Hún heitir Snorralaug. | |
|
|
| | | | |