Mörgæsaklúbbur - foreldrabréf, kynning.
|
 |
| | Ágætu foreldrar, velkomin á námskeið með börnunum ykkar. Námsefnið
Í Mörgæsaklúbbnum munum við leggja áherslu á að vera með fjölbreytt efni fyrir fjölbreyttan hóp nemenda. Meginþemað verður Íslandssaga og landafræði í leikja-eða spurningaleikjaformi, ásamt ýmsu hliðar- og skemmtiefni.
Töluverð áhersla verður lögð á réttritun og verður hún bæði þjálfuð út frá stafsetningarreglum og einnig máltilfinningu. Þau munu einnig vinna létt málfræðiverkefni.
Til að styðja við allan lestur reynum við að hafa sem mest af hljóðefni til stuðnings. Skipulag
Á hverjum föstudegi koma ný verkefni á vefinn. Börnin ykkar hafa viku til að vinna verkefnin. Í lok vikunnar erum við með viku-skilablað þar sem þau merkja við unnin verkefni. Foreldraþátttaka
Við reiknum með töluverðri þátttöku foreldra og að krakkarnir vinni sem minnst ein við tölvuna, sérstaklega nú í byrjun.
Foreldrar geta að auki farið á foreldrasíðu Íslenskuskólans og slegið inn netfanginu ykkar til að fá yfirlit yfir ástundun barnanna í pósti. Ef netfangið ykkar er ekki virkt þar, þá bendir það til þess að það sé ekki skráð hjá okkur.
Á skólasíðu getið þið ásamt börnunum ykkar sett inn rétt netföng eða ný og þannig tryggt að þið hafið aðgang að upplýsingum í gegnum tölvupóst og að fréttabréf berist ykkur á rétt netföng. Tæknimál
Tölva, hljóðkort, íslenska stafasettið og nettenging er nægjanlegt til að stunda námið.
Við munum töluvert nota ókeypis aðgang fyrir nemendur okkar á Tónlist.is við verkefnagerðina, þar sem krakkarnir hlusta og skrifa. Því þurfið þið að vera með Windows Media Player á tölvunni. Helstu vandkvæði sem geta komið upp þar tengjast spilaranum í tölvunni og því að hann sé kannski ekki uppfærður til að geta spilað efni af Tónlist.is. Hér eru leiðbeiningar ef þið hafið lent í einhverjum vandræðum með að spila tónlist af Tónlist.is:
Windows Media Player
Útgáfa 9 eða nýrri hægt að nálgast á vef Microsoft:
http://www.microsoft.com/windows/windowsmedia/9series/player.aspx
Eftir að Windows Media Player 9 hefur verið uppsettur þá er nauðsynlegt að uppfæra leyfisútgáfuhluta hans (DRM).
Hægt er að gera það með því að fara á
http://drmlicense.one.microsoft.com/Indivsite/indivit2.htm
og smella á Start hnappinn þegar hann virkjast. Athugið að það getur tekið smá tíma fyrir hnappinn að verða virkur. Vinsamlega sýnið þolinmæði.
Skóli og heimili
Þið fáið reglulega sendan foreldrapóst frá kennara og það væri mjög gott að heyra frá ykkur hvernig krökkunum ykkar gengur.
Ef námskeiðið er of létt eða of þungt látið okkur vita.
Endilega hafið samband ef þið viljið ræða eitthvað við kennara.
Þið getið haft samband í pósti barnanna ykkar sem þau hafa í Íslenskuskólanum,
og þið getið líka sent á islenskuskolinn@islenskuskolinn.is
eða á gigja@mennta.net Með von um gott og árangursríkt samstarf Kær kveðja
Gígja Svavarsdóttir
kennari í Mörgæsarklúbbi |
|