Leikir á íslensku.
|
|
Það er gott að kunna leiki, til dæmis ef þið eruð í bílnum á ferðalagi eða bara í mikilli umferð sem gengur hægt á leiðinni heim. Líka þegar þið gangið heim úr skólanum, þegar ykkur leiðist og þið vitið ekkert hvað þið eigið að gera - eða bara við matarborðið. -------- Leikir og skemmtun ------- Ávaxta og grænmetis leikurinn smá dæmi um leikinn líka Í þessum leik má ekki tala þannig að sjáist í tennurnar! má ekki hlæja má ekki flissa má ekki ruglast! Leikreglur: fyrst veljið þið að vera einhver ávöxtur eða grænmeti segjum að það séu þrír að leika og eru pera, appelsína og kál svo byrjar fyrsti segir tvisvar: pera, pera og svo: appelsína, appelsína sá sem er appelsína þarf að segja: appelsína, appelsína - kál, kál sá sem er kál segir: kál, kál - og svo velja einhvern Ef einhver byrjar á að segja kál, kál, en er appelsína dettur hann út. Ef einhver segir ávöxt eða grænmeti sem er dottinn út úr leiknum, dettur hann líka út! ____________________________________________________________________ |
| Frúin í Hamborg Góður fjölskylduleikur! | Einhver byrjar á að spyrja: Hvað myndirðu gera við peningana sem frúin í Hamborg gaf þér | Þegar svarað er má ekki segja JÁ, NEI, SVART eða HVÍTT því þá hefur maður tapað í leiknum! | Leikreglur: | Sá sem spyr á að reyna að fá þann sem svarar til að segja bannorðin!
Þetta er til dæmis hægt að gera með því að spyrja: Í alvöru Ertu að segja satt? - og ef einhver kaupir sér bíl eða hjól er sniðugt að spyrja hvernig dekkin eru á litinn :) - Stundum er gott að segja óvænt: Heyrðu, sérðu bílinn þarna? Eða, hvernig heldurðu að leikurinn fari? Liðið þitt tapar örugglega!! Gleymdirðu nokkuð að... Heyrðu, mamma.. heyrðu pabbi....eða bara Pabbi... Mamma... (og svo þögn) Algengasta svarið er nefnilega JÁ! | Sá sem svarar þarf að hugsa hvernig er hægt að segja já, nei, svart og hvítt, án þess að segja orðin.
Í stað þess að segja já er hægt að segja: Það er víst, það er rétt, auðvitað, að sjálfsögðu, það vita allir, og margt fleira sem þið finnið upp á!
Í stað þess að segja nei, er hægt að segja, auðvitað ekki, það er víst ekki, það er ekki rétt, að sjálfsögðu ekki og margt fleira sem kemur upp við að hlusta á aðra og þið finnið upp á!
Og til að sleppa við að segja svart og hvítt þarf kannski bara að breyta litum á dekkjum og fleiru, enda þarf ekkert að vera satt í þessum leik - alveg eins og peningarnir sem frúin í Hamborg gefur eru ekki alvöru peningar! | Það er líka gaman þegar einhver gleymir sér og segir bannorðin!! | Prentið leikinn út og hafið við matarborðið, í bílnum, í skólatöskunni á meðan þið eruð að læra hann! Góða skemmtun!! | |