Uppruni álfa og huldufólks

Einhverju sinni kom Guð almáttugur til Adams og Evu. Fögnuðu þau honum vel og sýndu honum allt sem þau áttu innanstokks. Þau sýndu honum líka börnin sín og þótti honum þau efnileg. Hann spurði Evu hvort þau ættu ekki fleiri börn. Hún kvað nei við. En svo stóð á að Eva var ekki búin að þvo sumum börnunum og vildi ekki láta Guð sjá þau og skaut þeim því undan. Þetta vissi Guð og segir: ,,Það sem á að vear hulið mér skal verða hulið fyrir mönnum." Þessi bön urðu nú mönnum ósjáanleg og bjuggu í holtum og hæðum, hólum og steinum. Þaðan eru álfar komnir, en mennirnir eru komnir af þeim börnum Evu sem hún sýndi Guði. Mennskir menn geta aldrei séð álfa nema þeir vilji sjálfir. EN álfar geta séð menn og látið menn sjá sig.

(Úr bókinni Álfar og huldufólk eftir Florence Helgu og Önnu Kristínu).