Skoða námsefni

Breyta efni Afrita Fjarlægja úr lotu Verkefnasafn

Rigning í Osló, 7. hluti

Munið að renna músinni yfir orð sem eru undirstrikuð til að fá frekari skýringar.

RIGNING Í OSLÓ Höfundur: Harald Skjönsberg Þýðandi: Hilmar Hilmarsson Um nóttina reyna þau að koma sér fyrir í lítilli íbúðinni og sofa. Frú Beck svaf í sófanum, María á gólfinu og Jóhann átti að sofa í eldhúsinu. En gátu þau nokkuð sofið? Jóhann svaf að minnsta kosti ekki neitt. Hann var að hugsa um það sem hafði gerst og allar hætturnar sem biðu Maríu og móður hennar. Hann langaði til að fara inn til foreldra sinna og leggjast á milli þeirra eins og hann hafði gert áður fyrr þegar allir voru öruggir og fríður ríkti í landinu. Til að vakna verður maður að hafa verið sofandi. Jóhann vaknaði þvi ekki, en allt í einu stóð faðir hans í eldhúsinu.		Klukkan var orðin sex. Hann var að fara í vinnuna. Hann hélt á bréfi í hendinni. - Láttu kennarann þinn hafa þetta, sagði hann. - Sýndu engum öðrum það. Það er mjög mikilvægt. Skilurðu það? - Ertu að meina Ólsen? - Hvern annan heldurðu? Ólsen var góður kennari. Hann var sanngjarn og ekki mjög strangur. Hann sagði skemmtilega frá og var vinsæll í skólanum. Hann var nýbyrjaður að vinna aftur, ásamt hinum kennurunum eftir að nasistarnir höfðu sent þá í fangabúðir í Kirkjunesi. Það var refsing fyrir að þeir vildu ekki kenna eins og nasistarnir ætluðust til. Eftir að Ólsen kom aftur hafði hann oft virst dapur og niðurdreginn. Fólk taldi sig vita hvers vegna. Bróðir hans hafði verið handtekinn og sendur í fangabúðir í Þýskalandi.
1		2

VERKEFNI Þessi kafli er í þátíð. S.s., er liðið, er búið að gerast. Sagnirnar eru því í þátíð. Það er búið að merkja nokkuð af sögnum og þið eigið að breyta þeim í nútíð. Dæmi: Frú Beck svaf í sófanum, Frú Beck sefur í sófanum, Þið getið afritað (copy) textann og límt (paste) hann hér fyrir neðan. Svo breytið þið bara sögnunum þar sem þess þarf.		MÁLFRÆÐI Hvað eru sagnorð 1. hluti Það er bæði talað um sagnorð og sagnir. Það eru orð sem lýsa verknaði. Eins og að gera, að segja, að vera o.s.frv. Í rauninni er ekki til setning nema það sé sögn! Sagnir eru í nú tíð og þá tíð ...tíð er sama og tími... Nú tíð þýðir nú na - í dag. Þá tíð þýðir þá - áðan eða fyrr.
Ertu ekki viss um nútíðina? Hér er sagnavefur sem þú getur kíkt á!		Hjálp við sagnbeygingar. Málfræðihefti - sagnir

It contains RadEditor's Modes/views (HTML, Design and Preview), Statistics and Resizer
Editor Mode buttons	Statistics module	Editor resizer
Design HTML

© Gígja Svavarsdóttir 8.5.2007