Hvað er afþreying?
Að þreyja af - er að lifa eitthvað af, en
afþreying er það sem maður gerir í tómstundum.
Ef manni leiðist vill maður gjarna hafa eitthvað fyrir stafni. Þá er um tvennt að ræða:
Að gera eitthvað sjálfur, einn eða með öðrum, eða láta gera eitthvað fyrir sig, þ.e. verða sér úti um afþreyingu með einhverjum hætti.

Í fyrra tilvikinu, að gera eitthvað einn eða með öðrum er um nær ótakmarkaða möguleika að ræða í leik og starfi. Í hinu seinna, að láta gera eitthvað fyrir sig, er algengt að að leita á náðir fjölmiðlanna og horfa eða hlusta á eitthvað sem þeir hafa upp á að bjóða.

Sjónvarpið er líklega miðillinn sem flestir nýta sér mest. Einnig við að hlusta á tónlist, en tónlistarmyndbönd eru vinsælt afþreyingarefni. Það er því algengt að fólk segi "Sástu nýja lagið með Björk?" en ekki: "Hefurðu heyrt nýja lagið með Björk?"

Mikið er rætt um óhóflegt sjónvarpsgláp og það sé skaðlegt börnum og fullorðnum. En, vissulega verður maður stundum að slaka á og gera eitthvað afslappandi, hvort sem það er að fara út í fótbolta, lesa bók eða horfa á sjónvarpið - og svo framvegis! En, líklega skiptir máli að gera allt í hófi, eða hvað? Kíkið núna á verkefnið hér fyrir neðan.

Verkefni:
ATHUGAÐU! - Ef þú ert ekki búin/n að gera verkefnið
Afþreying - könnun byrjaðu á að gera það verkefni.
1. Segðu hversu mörg JÁ þú merktir við í þeirri könnun.
2. Segðu hvort þér finnst það jákvætt eða neikvætt - og af hverju!
3. Finndu 3-5 atriði sem eru jákvæð við að horfa mikið á sjónvarp.
4. Finndu 3-5 atriði sem eru neikvæð við að horfa mikið á sjónvarp.
5. Hver finnst þér skemmtilegasta afþreyingin?

Lágmark 50 orð
Vandaðu uppsetningu og stafsetningu.