1. Til foreldra
|
|
Heimasíður í Íslenskuskólanum
Athugið að auðvelt er að setja upp heimasíður fyrir börnin í Íslenskuskólanum. Ættingjar og vinir um allan heim hafa örugglega gaman af því að skoða síðurnar.
Hér eru einfaldar leiðbeiningar fyrir heimasíðugerð nemenda.
|
Nýtum samskiptatæknina
Samskipti á íslensku við ættingja og vini geta verið styrkjandi þáttur fyrir sjálfsmyndina og tungumálið. Eins er t.d. öll miðlun (m.a. á heimasíðum) hvati að frekari samskiptum.
Við bendum sérstaklega á að það er upplagt að nota samskiptalausnir eins og: Netsímann Skype Nú geta líka fleiri en tveir spjallað saman í einu (á símafundi).
Samskiptaforritið MSN Í nýjum útgáfum af MSN er t.d. hægt að teikna og senda fyndnar hreyfimyndir.
Tölvupóst Sniðugt getur verið að senda (t.d. skannaðar myndir, eða skjöl sem börnin hafa unnið í öðrum forritum) sem viðhengi.
Heimasíður T.d. síður nemenda í Íslenskuskólanum. Tilvalið er að hvetja börnin til að vera sem virkust í samskiptunum. Þau geta til dæmis skoðað stafina á lyklaborðinu og lært í leiðinni að skrifa nafnið sitt á skjáinn.
Tækninni fleygir sífellt fram og bloggsíður með texta, hljóð og myndum (sem t.d. er sent úr GSM-símum) verða líka algengari.
Vefir þar sem hljóð er tekið upp fyrir framan skjáinn gætu líka verið skemmtileg leið fyrir fjölskyldur til að heyra hver í annarri.
Ömmur, afar og ættingjar á Íslandi gætu til dæmis sent kveðjur á afmælum, sagt brandara og lesið stuttar sögur í gegnum svona "hljóðþræði". Ef vefirnir eru notaðir yfir lengri tíma getur vafalítið verið fróðlegt að fylgjast með máltöku og þroska barnanna.
|
|