Þegar kennt er á netnámskeiði er kennarinn eðlilega ekki í eins góðu sambandi við nemendur og á námskeiði sem er kennt á gamla mátann.  Í Netskólanum hefur kennari á námskeiði nokkra valkosti til að skoða hvaða nemendur eru duglegastir, skoða námsefnið og eru virkastir í að taka þátt.

• Ef efnisþáttur er valinn er valkosturinn Upplýsingar um aðsókn  á stjórnborðinu þar sem er hægt að skoða hversu mikið af efninu í efnisþættinum hver nemandi hefur skoðað.
• Ef efni er valið er hægt að velja Aðsókn að efninu til að sjá hvaða nemandi hefur skoðað valda efnið.
• Inni í nemendalistanum á kennarasvæðinu er hægt að sjá hversu oft hver nemandi hefur komið inn á námskeiðið (ekki inn í kerfið).
• Á síðunni með nemendalistanum og í valmyndinni Flýtival er tengillinn Ástundun nemenda þar er hægt að sjá á myndrænan hátt hversu mikið af efni námskeiðsins hver nemandi hefur skoðað.