3. Hreyfing
|
 |
| Spilum og spilum Það að spila á spil hefur margvíslegt gildi.
Auðvelt er að byrja á því að skoða spilin og kynnast þeim. Síðan má fikra sig út í flóknari spilamennsku og gefa þessar hugmyndir einfaldar, en vonandi gagnlegar leiðbeiningar fyrir spil sem mörg börn hafa gaman af að spila.  Það að byggja spilahús er líka skemmtilegt viðfangsefni sem reynir bæði á þolinmæði og handahreyfingar. |
Bentu á þann sem að þér þykir bestur
Eitt af sönglögum vikunnar er Ein/einn ég sit og sauma
Upplagt er að hlusta á lagið, hreyfa sig í leiðinni og benda í viðeigandi áttir.
Lagið má líka útfæra sem hópleik þar sem börn leiðast og ganga í hring. Eitt barn situr á hækjum sínum inni í hringnum og þykist sauma. Barnið hoppar upp þegar sungið er "Hoppaðu upp" og gerir eins og segir í textanum (lokar augum og bendir). Sá sem bent er á fer svo næst inn í hringinn. Ein ég sit og sauma
inni í litlu húsi.
Enginn kemur að sjá mig
nema litla músin.
Hoppaðu upp og lokaðu augunum,
bentu í austur, bentu í vestur,
bentu á þann sem að þér þykir bestur
|
|