The hard part
|
|
Hvað er það erfiða við að útbúa gott kennsluefni á netinu? Hvað þarf að hafa í huga? Það má í raun segja að það sé ekki neitt eitt svar við þessum spurningum, en það sem mér finnst skipta máli er að kennarinn verður að vera hugmyndaríkur og í raun alltaf að vera vakandi fyrir því í almennri kennslu hvernig væri hægt að matreiða námsefnið á lifandi og skemmtilegan hátt á netinu. Til dæmis þegar verið er að fara yfir ákveðið efni mætti láta sér detta í hug aha! þetta myndi vera flottur spurningaleikur eða flott eyðufyllingaræfing. Það sem þarf að hafa í huga varðandi efnið til að það virki er líflegheit, það skiptir öllu máli að efnið líti út fyrir að vera skemmtilegt - þá er það skemmtilegt. Kennararnir í Íslenskuskólanum hafa t.d. mikið notað þessa aðferð við kennslu á sínum námskeiðum. Það er um að gera að nota mismunandi liti á letrið í æfingunum og stækka það hæfilega. Líka hefur mikið að segja að setja inn myndir sem tengjast efninu eða gera það líflegra. Mig langar að fá ykkur aðeins til að spá í þessa hluti og segja ykkar skoðun og deila með okkur ykkar reynslu af námsefnisgerð á netinu ef hún er einhver. Notið umræðuþráðinn hér til hægri sem vettvang. |