Tölvuleikur
|
|
Tölvuleikir ritun Veldu þér tölvuleik sem þú þekkir eða langar til þess að kynnast. Kynntu leikinn svo fyrir okkur á blogginu þínu ásamt því að setja fram skoðanir þínar á niðurstöðum þínum. Mundu að rökstyðja það efni sem þú setur fram! Greinargerðinni skiptum við í þrjá kafla: Saga leiksins: þar seturðu fram allt sem þú finnur um leikinn, þe. stofnendur, eigendur, hverjir geta spilað leikinn, hvernig er hægt að nálgast hann og svo framvegis. Umhverfi: Hvernig er tölvuleikurinn settur fram? Finnst þér grafíkin vera góð, er mikil vinna lögð í leikinn og undirbúning hans? Hérna þarftu að muna að rökstyðja allt sem þú setur fram! Markmið: Hvert er markmið leiksins? Að hverju er verið að keppa? Eru verðlaun? Niðurstaða: Hérna skrifar þú hvað þér finnst um leikinn. Hvernig myndir þú vilja breyta honum ef þú gætir? Er einhver boðskapur með leiknum? Lærum við eitthvað af honum? Hvernig gengur keppendum að ná markmiði leiksins? Munið að rökstyðja! Settu einnig inn myndir á heimasíðuna þína - Rökstyðja- Rökstyðja- Rökstyðja- Rökstyðja- Rökstyðja-
Hérna er dæmi sem þú getur stuðst við. Tölvuleikurinn Isketch Isketch Saga leiksins: Flestir kannast við borðspilið Pictionary eða teiknispilið. Tölvuleikurinn Isketch er byggður á því vinsæla spili og er spilandinn beinlínutengdur á internetinu við spilendur um allan heim. Markmið: Í hverju spili eru allt að tíu leikendum og eru því margir leikir í gangi í einu. Einn leikandi teiknar mynd og eiga hinir að reyna að giska á hvað hann er að teikna með því að skrifa orðið í tilgerðan glugga. Hægt er að spila leikinn á mörgum tungumálum með mismunandi styrk. Þú velur þér herbergi til að spila í og eru tíu umferðir í hverjum leik og safnar þú þér stigum og einn stendur uppi sem sigurvegari! Herbergin eru mörg hundruð á mismunandi tungumálum og eru því þúsundir spilendur að leika í einu. Þar er að finna tvö herbergi á íslensku en einnig er möguleiki á að búa til sitt eigið herbergi sem er þá lokað fyrir utanaðkomandi, t.d. þegar vinir vilja spila saman. Niðurstaða: Þessi tölvuleikur er fyrir fólk á öllum aldri, alveg frá því þú byrjar að tala ef það er einhver sem skrifar fyrir þig! Ég held að krakkar geti lært mikið á því að spila leikinn þar sem orðaforði eykst, hugmyndaflugið er í fullum botni, við þurfum að nota mikið af fínhreyfingum og svo er þetta bara svo skemmtilegt;) Til þess að spila leikinn þarftu að hafa forritið Shockwave frá Macromedia. Þú getur sótt það hér |