Aðventusöngur
|
 |
| Texti vikunnar í Íslenskuskólanum tengist því að sunnudaginn 28. nóvember er fyrsti sunnudagur í aðventu. Aðventan er fjögurra vikna tímabil fyrir jól og á Íslandi setja margir upp aðventukrans með fjórum kertum. Fyrsta sunnudag er kveikt á einu kerti, þann næsta á tveimur og svo koll af kolli.  Kertin bera eftirfarandi nöfn:
Fyrsta kertið heitir Spádómskertið Annað kertið heitir Betlehemskertið Þriðja kertið heitir Hirðakertið Fjórða kertið heitir Englakertið
Aðventusöngurinn hér neðar á síðunni er stundum sunginn þegar kveikt er á kertunum.
Aðventusöngur
Við kveikjum einu kerti á
hans koma nálgast fer
sem fyrstu jól í jötu lá
og Jesúbarnið er.
Við kveikjum tveimur kertum á
og komu bíðum hans.
Því Drottinn sjáflur soninn þá
mun senda í líking manns.
Við kveikjum þremur kertum á
því konungs beðið er,
þótt Jesú sjálfur jötu og strá
á jólum kysi sér.
Við kveikjum fjórum kertum á
Brátt kemur gesturinn,
og allar þjóðir þurfa að sjá
að hann er frelsarinn
Höfundur texta: Lilja S. Kristjánsdóttir
Trúarbrögð á Íslandi. Þann 1. desember 2003 skiptust trúarbrögð Íslendinga á eftirfarandi vegu: 86,1% í þjóðkirkjunni 4,5% í fríkirkjusöfnuðum 4,3% í öðrum skráðum trúfélögum 2,7% í óskráðum trúfélögum 2,4 í engum trúfélögum Heimild: Af vef Hagstofunnar
|