4. Myndsköpun
|
|
Jólahjörtu Fléttuð jólahjörtu virðast flókin í fyrstu en eru einföld þegar á reynir. Hjörtun eru dönsk að uppruna en tilheyra einnig ágætlega íslenskri jólastemmingu.
|
Hér er uppskrift að pappírsskó sem margir af eldri kynslóð Íslendinga kannast vafalítið við. Aðferð: 1. Klippt er eftir tveimur heilum línum. 2. Brotið er inn á við eftir punktalínum. 3. Hælkappi brotinn yfir tvo öftustu flipana. 4. Tá brotin yfir hliðarstykki. 5. Heftað saman á 4 stöðum. Siðurinn að setja skóinn út í glugga fyrir jól er margra alda gamall og tengist sögunni um heilagan Nikulás. Nikulás þessi er fyrirmyndin að hinum alþjóðlega jólasveini er klæðist rauðum og hvítum fötum. Á Íslandi varð það þó ekki almennur siður að setja skóinn út í glugga fyrir jól fyrr en eftir miðja 20. öld. ( Heimild: Vísindavefurinn ). Algengast er að skórinn sé settur út í glugga að kvöldi 11. desember því sögur herma að Stekkjastaur komi til byggða aðfaranótt 12. desember. Síðan er vonast eftir því að jólasveinarnir þrettán setji eitthvert smáræði í skóinn fram að jólum.
|
Jólasveinarnir þrettán Íslensku jólasveinarnir eru þrettán og kemur Stekkjastaur (sá fyrsti) til byggða aðfaranótt 12. desember og Kertasníkir (sá síðasti) kemur í bæinn aðfaranótt aðfangadags.
Myndirnar hér fyrir neðan er upplagt að lita og skoða - t.d. eina á dag fram til jóla.
Hér er líka hægt að prenta allar myndirnar út í einu.
|
|