Skoða námsefni

Breyta efni Afrita Fjarlægja úr lotu Verkefnasafn

Rigning í Osló, 5. hluti

RIGNING Í OSLÓ Höfundur:Harald Skjönsberg Þýðandi: Hilmar Hilmarsson Í síðasta hluta var lögreglan komin heim til Jóhanns en María og mamma hennar voru að fara berfættar og á náttkjólunum niður brunastigann til að fela sig í bakgarðinum. Í sama mund og þær hurfu niður brunastigann opnaði móðir Jóhanns dyrnar fram á ganginn. Hún leit alltaf út fyrir að vera svo blíð og róleg, jafnvel þótt hún væri það alls ekki. - Nei, sagði hún við lögreglumennina. - Við vitum ekki hvar þær eru. Ég hef ekki séð þær í nokkra daga. Hefur frú Beck gert eitthvað ólöglegt? - Ólöglegt og ólöglegt, sagði annar lögreglumaðurinn. - Hún er gyðingur. - Við vitum það, svaraði hún hæglátlega. - Ég get því miður ekki hjálpað ykkur. Lögreglumennirnir gengu óboðnir inn í íbúðina. Þeir lituðust um á ganginum eins og þeir		byggjust við að finna eitthvað. Eins og fyrir tilviljun litur þeir inn í stofuna. Annar rak augun í brunastigann. - Hvert liggja þessar tröppur? spurði hann. - Niður í bakgarðinn, sagði móðir Jóhanns. Hún hafði fullkomið vald á röddinni en hún var með stóra, rauða bletti á hálsinum. - Komdu, sagði annar lögreglumaðurinn. - Komdu, við skulum líta á þetta. - Já, góða skemmtun, sagði pabbi Jóhanns. - Passið ykkur bara á rottunum. Þeir mega vera vel á sig komnir þessir gyðingar. Það er nefnilega bara kaðall úr íbúðinni þeirra, ekki stigi eins og hér. Ég sé þær í anda klifra niður á náttkjólunum! - Er ekki brunastigi hjá þeim? spurði lögreglumaðurinn. - Nei, þetta var ein íbúð, en svo var henni skipt í tvennt. Við fengum stigann. - Það er nefnilega það, sagði lögreglumaðurinn. - Nei, þá er það líklega tilgangslaust. Svo vitlausar eru þær varla.
1		2

Þær eru sjálfsagt einhvers staðar í felum og eru að reyna að komast til Svíþjóðar eins og allir aðrir gyðingar. Jóhanni fannst fæturnir vera að svíkja sig. - Stattu á löppunum, sagði hann við sjálfan sig. - Stattu á löppunum og láttu sem ekkert sé. Lögreglumennirnir fóru fram á ganginn. Þeir opnuðu dyrnar og kvöddu. Fótatak þeirra dó út. Þeir settust inn í bílinn, vélin fór í gang og þeir óku af stað. Á bak við gluggatjöldin rak Jóhann út úr sér tunguna á eftir þeim. Mamma hans settist á stól. - Guð minn almáttugur, stundi hún. Nú varstu snöggur, Einar. Faðir hans brosti. - Farðu og sæktu þær, Jóhann! Þær krókna úr kulda þarna úti. Svo lagði hann hönd á öxl sonar síns. - Farðu varlega, sagði hann. - Enginn má sjá þig. Sérstaklega ekki Anna Lund, tæfan sú. Ef þetta kemst upp er úti um okkur öll. Jóhann fór niður brunastigann.		Hann lét fara eins lítið fyrir sér og hann gat. Honum fannst eins og þúsund augu störðu á sig. Þúsund fjandsamleg augu. Hann leit óttasleginn upp í gluggann hjá Önnu Lund. Hann hafði sjálfur séð það margsinnis. Hún var með Þjóðverja, liðsforingja í háum leðurstígvelum og með hakakross á húfunni. Hann var oft hjá henni í íbúðinni. Ef hann væri þar núna! Sem betur fer virtist allt hljótt og dimmt. - Halló, hvíslaði hann. - Hættan er liðin hjá. Ykkur er óhætt að koma. Þær höfðu falið sig á bak við ruslatunnurnar. Nú komu þær fram. Hann leit á blóðrauða fætur þeirra. Þær höfðu staðið berfættar í snjónum í meira en fimmtán mínútur. Það voru ekki mörg ár síðan Jóhann og María höfðu verið hér í feluleik. Nú var þetta enginn leikur lengur. Nú geisaði stríð og þau tóku þátt í því.
3		4

VERKEFNI
Þið eruð að lesa um það þegar það var stríð í Noregi.
Vitið þið um lönd í heiminum þar sem núna geisa stríð?
Þið getið notað netið eða rætt þetta heima til að fá
upplýsingar um stríð í heiminum.
- Og vitið þið um stríð þar sem einstakir hópar,
eru ofsóttir, eins og gyðingar í seinni heimsstyrjöldinni?

It contains RadEditor's Modes/views (HTML, Design and Preview), Statistics and Resizer
Editor Mode buttons	Statistics module	Editor resizer
Design HTML

Flýtileiðir

Einkunnir og endurgjöf