Þegar þú hefur skráð þig sem notanda birtist síða sem er kölluð Mín síða og er útlit hennar sniðið eftir þeim forsendum sem umsjónarmaður vefsins hefur valið og eftir því hversu mikil réttindi þú hefur. Notendur hafa í byrjun allir nemendaréttindi en sumir fá aukin réttindi og geta þá t.d. tekið að sér kennslu eða aðstoð við kennslu á námskeiðum.

1. Skráðu þig inn í Netskólann ef þú hefur ekki þegar gert það.
2. Skoðaðu Mín síða þú tekur eftir að síðan skiptist í nokkra hluta, efst eru upplýsingar um skólann þinn og þar ætti líka nafnið þitt að birtast. Þú getur komist aftur á vef skólans, sem fjallað var um í verkefni 1, með því að smella á nafn skólans þíns. Prófaðu það.
3. Á aðalsíðunni er núna ekki hægt að skrá sig inn og þar er tengill sem á stendur Mín síða, smelltu á hann til að komast aftur á síðuna þína.
4. Undir flokkinum Pósthólf er að finna tengil inn í póstkerfið (sem verður fjallað um síðar) og upplýsingar um hvað þú átt mörg ólesin skeyti. Póstkerfi Netskólans er ætlað til samskipta á milli nemenda og kennara, þú æfist í að senda póst síðar, en þú skalt til að byrja með opna pósthólfið þitt, því þú ættir að eiga eitt ólesið skeyti.
5. Þegar þú hefur opnað pósthólfið getur þú skoðað skeytið með því að smella á fyrirsögn þess.
6. Eftir að hafa lesið skeytið skaltu smella á hnapp sem er hægra megin á skjánum og er með mynd af húsi og textanum Mín síða. Þennan hnapp er víða að finna og hann getur þú alltaf notað til að komast til baka á síðuna þína:
   
7. Á mín síða eru líka fleiri áhugaverðir möguleikar, undir liðnum Leikir er að finna tvo leiki sem þú mátt spreyta þig á að vild, þeir eru Stafsetningarflugan og Málshættir, til að taka þátt í stafsetningarflugunni þarftu að hafa hátalara tengda við tölvuna þína, en leikurinn felst í að hlusta á orð sem þú átt svo að skrifa eins og þú heldur að sé rétt. Málsháttaleikurinn felst í að botna málshætti.
8. Undir flokkinum Námskeið er að finna tengil inn á alla námskeiðsvefi sem þú hefur aðgang að. Þú hefur sjálfkrafa verið skráð(ur) á eitt námskeið, sem heitir Nám í Netskólanum, þar er að finna ýmsar upplýsingar sem geta komið til góða þegar unnið er við vef Netskólans.
9. Flokkurinn Ýmislegt geymir ýmsar upplýsingar svo sem lauslega kynningu fyrir nýja notendur (sem þú skalt skoða) og síðu þar sem þú getur skoðað og viðhaldið notendaupplýsingunum um þig (nafn, heimilisfang, netfang og svo framvegis).
10. Fjallað verður nánar um möguleikana Bæta inn efni og Skráastjóra síðar og þú skalt bíða með að skoða þá þangað til.
11. Flokkurinn Virkir notendur sýnir hvaða aðrir notendur eru tengdir við Netskólann núna, þú getur sent þeim póst með póstkerfinu, en þú skalt bíða með það þangað til síðar.