Greinið eftirfarandi texta í orðflokka:

Langt úti í hafi, börnin ung og smá, var einu sinni hvalur, og hann  borðaði fisk. Hann borðaði ýsur og lýsur, og hámerar og vogmerar og skrápflúrur og kollúrur, og þyrskling og brisling, og hina snúandi, smjúgandi, dansandi, glansandi ála. Alla fiska, sem hann fann, hvar sem var í hafinu, borðaði  hann með munninum — svona! Að lokum var aðeins einn einasti lítill fiskur eftir í öllu hafinu, og það var kænn lítill fiskur, og hann synti rétt fyrir aftan hægra eyrað á hvalnum, til þess að vera á óhultum stað.