Skype
|
 |
| Það eru til mörg forrit sem gefa möguleika á að nota tölvuna eins og síma. Það forrit sem mér hefur líkað best við heitir Skype ( www.skype.com ). Það er ókeypis og virkar í flestum tölvum án nokkurra tilfæringa. Það sem þú þarft að hafa að auki er tölva með hljóðkorti, svo þú getir tengt hljóðnema og hátalara við hana. Best er reyndar að vera með „headset” sem eru heyrnatól með hljóðnema.
Forritið er mjög einfalt í notkun, það er aðeins hægt að hringja í aðra notendur forritsins þ.e. þú getur ekki hringt í hvaða símanúmer sem er, aðeins í aðra tölvu. Í nýjustu útgáfu forritsins er einnig boðið upp á möguleika á símafundum þ.e. að ræða við fleiri en einn í einu. Hljóðgæðin í Skype eru mjög góð, jafnvel betri en í símum.
Þegar þú hefur bætt tengilið á listann þinn sérðu hvenær hann er við tölvuna sem einfaldar að ná sambandi. Notkun á Skype og öðrum sambærilegum forritum auðveldar að vera í sambandi við vini og ættingja.
|