Samanburður á þremur sögum
|
|
Það eru til að minnsta kosti þrjár sögur um það hvernig Sæmundur fróði slapp úr Svartaskóla Getið er um þrjár sögur í Netútgáfunni. Skoðið þær og athugið hvað er sameiginlegt og hvað ekki. - Er til dæmis alltaf um eitthvert gabb að ræða | Munið að vera með inngang meginmál og lokaorð. Núna skuluð þið huga að því að sá eða sú sem þið eruð að skrifa fyrir viti ekkert um málið. Auðvitað vitum við kennararnir eitthvað um þetta, en hugsið ykkur að þið séuð að segja einhverjum frá sem ekkert veit um málið. Lesið sögurnar hér neðst á síðunni og veltið svo fyrir ykkur atriðunum sem byrja hér: Byrjið á að segja að þið ætlið að skrifa um þrjár útgáfur af sögum um það hvernig Sæmundur komst úr Svartaskóla. Það þarf að segja örstutt frá Svartaskóla, hver var líklega "skólastjórinn" og hvernig menn komust út úr honum. Svo skrifið þið aðalatriði hverrar sögu. Munið að hafa það í stuttu máli og segja sem mest frá með ykkar orðum. Það heitir að endursegja og er því endursögn Við að endursegja þarf að pæla í því hvernig hægt er að stytta textann sem á að segja frá. Því þarf að hugsa; hver eru aðalatriðin og hver eru aukaatriðin? Til dæmis: Skiptir máli að það heyrist í hurðinni í fyrstu sögunni? Skiptir máltækið máli ? Líklega ekki við að bera saman lík og ólík atriði í meginsögunni um hvernig Sæmundur fróði slapp úr Svartaskóla. Þið verðið líka að passa að þau atriði sem þið talið um sem lík og ólík séu í endursögninni. Annars skilur sá eða sú sem veit ekki neitt um málið af hverju þið takið það dæmi. Þegar þið eruð búin að endursegja sögurnar þá skrifið þið hvað er líkt og hvað er ólíkt í sögunum. Í lokin komið þið með niðurstöðu. Til dæmis ef einhver atriði eru í öllum sögunum - og svo eitthvað persónulegt frá ykkur. Þegar þið eruð búin, prófið að lesa það sem þið hafið skrifað fyrir foreldra ykkar. Athugið hvort þau koma með einhverjar spurningar um efnið, en þá gæti verið líklegt að þið hefðuð gleymt að útskýra eitthvað sem skiptir máli fyrir fólk sem veit ekki neitt um málið. Stundum heyrir maður líka betur hvort texti er í lagi heldur en ef maður er að lesa hann yfir :) | Ein sagan | Önnur saga | Þriðja sagan | Einu sinni voru þrír Íslendingar í Svartaskóla: Sæmundur fróði, Kálfur Árnason og Hálfdán Eldjárnsson eða Einarsson, sem seinna varð prestur að Felli í Sléttuhlíð. Þeir áttu allir að fara burtu í einu, og bauðst þá Sæmundur til að ganga seinastur út. Urðu hinir því fegnir. Sæmundur varpaði þá yfir sig kápu stórri og hafði ermarnar lausar og engan hnapp hnepptan. En rið var upp að ganga úr skólahúsinu. Þegar nú Sæmundur kemur á riðið, þrífur Kölski í kápu hans og segir: "Þig á ég." Varpaði þá Sæmundur af sér kápunni og hljóp út. Hélt Kölski kápunni einni eftir. En járnhurðin rumdi á hjörum og skall svo fast aftur á hæla Sæmundi, að hælbeinin særðust. Þá sagði hann: "Skall þar hurð nærri hælum," og er það síðan orðið að máltæki. Þannig komst Sæmundur fróði burt úr Svartaskóla með félögum sínum. | Það er sagt um Sæmund fróða, er þangað (í Svartaskóla) gekk með stallbræðrum sínum, að hann hafi orðið þar eftir og annar með honum, er Christophor hét. En er þeir voru vel lærðir, fóru þeir út, og átti þá Sæmundur að ganga á eftir, og segja menn, að hann hafi lagt yfirhöfn fulla af fötum á bak sér. En þegar þeir gengu út, var gripið í Sæmund; lét hann þá lausa yfirhöfnina og komst svo út, en þá var morgunn. Sæmundur tók þá skó þeirra félaga og fyllti með vatni, og báru þeir þá svo yfir höfði sér allan daginn fyrir eftirför. Þá hélt skólalýður, að þeir hefðu í vatni drukknað. Annan dag fylltu þeir skó sína sína með sjó og fóru svo sem fyrr. Hélt þá skólalýður, að vatnið hefði fleytt þeim fram í sjó. Þriðja daginn lét Sæmundur fylla skó þeirra með mold og grasi yfir og báru þá þannig á höfði sér. Þá kvað skólalýður þá vera á land rekna og jarðaða. Var þá útséð um alla eftirför, þegar þessir þrír dagar voru liðnir. Eigi mundu allir hafa svo af komist, þó Sæmundur úr þrautum kæmist. | Aðrir segja, að þegar Sæmundur fróði gekk upp riðið og kom út í dyrnar á Svartaskóla, þá skein sólin móti honum, og bar skugga hans á vegginn. Þegar nú kölski ætlaði að taka Sæmund, þá sagði hann: "Ég er ekki seinastur. Sérðu ekki þann, sem á eftir mér er?" Kölski þreif þá til skuggans, sem hann hélt mann vera; en Sæmundur slapp út, og skall hurðin á hæla honum. En upp frá þeirri stundu var Sæmundur jafnan skuggalaus, því kölski sleppti aldrei skugga hans aftur. | Athugið stafsetningu Ekki gleyma greinarskilum Ef þið viljið klára seinna: Þá smellið þið á vista en ekki merkja við að skila til kennarans! Til að vinna svo áfram smellið þið aftur á verkefnið á námskeiðinu og þá er það sem þið voruð búin að skrifa neðst í verkefninu :) Hægt að breyta, bæta og klára seinna! |
RadEditor - HTML WYSIWYG Editor. MS Word-like content editing experience thanks to a rich set of formatting tools, dropdowns, dialogs, system modules and built-in spell-check.
RadEditor's components - toolbar, content area, modes and modules | | | | | Toolbar's wrapper | | | | | | Content area wrapper | | RadEditor's bottom area: Design, Html and Preview modes, Statistics module and resize handle. |
It contains RadEditor's Modes/views (HTML, Design and Preview), Statistics and Resizer
Editor Mode buttons | Statistics module | Editor resizer | | |
| | RadEditor's Modules - special tools used to provide extra information such as Tag Inspector, Real Time HTML Viewer, Tag Properties and other. | | | | | | Mundu að geyma svarið þitt á nokkurra mínútna fresti
|