Þið æfið að geta heimilda og að taka tilvitnun
Að geta heimilda er að segja hvaðan þið takið efnið.
Að taka tilvitnun er að skrifa orðrétt einhvern texta, ekki endursegja hann.

1. Þegar nota skal heimildir er hægt að taka textabrot sem einhver annar hefur skrifað.  
   Þá skrifar maður orðrétt upp úr bók, eða afritar og límir (copy og paste) af netinu.  
   Textinn sem er tekinn orðréttur þarf að vera innan gæsalappa en það heita þessi merki ,,  ".  
   Venjan í íslenskum texta er að hafa gæsalappir niðri og  uppi en á netinu eru enn oftast bara notaðar gæsalappir uppi ". 
   
   
2. Að taka orðrétt úr bók heitir að taka tilvitnun
    
   Dæmi: (Fyrst skrifar maður eitthvað sjálf eða sjálfur) 
   Ég hef verið að skoða drauga í sögum.  Ekki er mikið um drauga í Íslendingasögunum nema helst Eyrbyggju og Grettlu.   ( Íslenskt vættatal bls. 13. Árni Björnsson tók saman. Mál og Menning Reykjavík 1990).
   
   Athugið: Það þarf að segja í sviga hvað bókin heitir (Íslenskt vættatal) ,  af hvaða blaðsíðu (bls. 13) efnið er tekið, því næst höfundinn (Árni Björnsson) svo útgefandann (Mál og Menning) og að lokum hvar og hvenær bókin er gefin út (Reykjavík 1990)
   
   
3. Að taka orðrétt af netinu heitir að taka tilvitnun
   
   Dæmi (Fyrst skrifar maður sjálfur eða sjálf og gott ef það sem maður skrifar passar vel við tilvitnunina) .
   Þegar maður skoðar draugasögur í bókum kemst maður að því að draugar geta bæði verið karlkyns og kvenkyns.  Karlkynsdraugar hétu oft mórar en skottur voru kvenkynsdraugar og ástæðan fyrir nafninu er oft talin vera sú að þær báru gamla íslenska kvenhöfuðbúnaðinn en skautið var mórautt og faldkrókurinn beygðist aftur á bak en ekki fram.  Stundum lafði skautið niður á milli herða líkt og skott.  Oft voru þær í rauðum sokkum og sugu fingur."
   Heimild: http://www.oddak.akureyri.is/draugar1.htm
   
   Athugið: Þið farið upp í Address og afritið slóðina
   (þetta sem byrjar á http://www ...)
   
   - - - - - - - - - - - - - - - - - - - - - - - - -

1. Af hverju heita mánuðirnir þessum nöfnum?
   Hafa þeir alltaf heitið þetta á Íslandi

            Lesið hér

• Veljið þrjá mánuði til að skrifa um.
• Af hverju eða hverjum draga þeir nafn sitt
• Notið heimildirnar af netinu hér fyrir ofan og getið þeirra.
• Skoðið þennan leik og segið svo til um það hvað þessir mánuðir sem þið völduð hafa heitið samkvæmt gömlu íslensku mánaðaheitunum.  Kannski hluti af tveimur mánuðum, því þetta var ekki alveg eins. 
• Segið líka af hverju gömlu mánuðirnir (neðarlega á síðunni) hétu það sem þeir hétu með því að nota heimildirnar á netinu samkvæmt reglum um heimildanotkun.

     Munið að hafa inngang meginmál og lokaorð