Nafnorð

Nafnorð eru nöfn á einhverju

Nafnorð skiptast í sérnöfn og samnöfn

strákur = samnafn
Sigurður = sérnafn

Nafnorð eru til í eintölu og fleirtölu

Einn strákur
Margir strákar

Nafnorð bæta við sig greini

strákur strákur inn
strákar strákar nir

Nafnorð eru til í fjórum föllum

Nefnifall
Þolfall
Þágufall
Eignarfall

Nafnorð eru til í þremur kynjum

Hann er maður (karlkyn)
Hún er kona. (kvenkyn)
Það er barn (hvorugkyn)

__________________________

VERKEFNI

1. Lesið um Auði djúpúðgu
og finnið að minnsta kosti 5 nafnorð í textanum!
Það má finna fleiri

2. Skrifið nafnorðin í textaboxið
hér fyrir neðan

3. Fyrir aftan nafnorðin skrifið þið:

a. hvort þau eru sérnöfn eða samnöfn
b. hvort þau eru í eintölu eða fleirtölu
c. hvort þau eru karlkyn, kvenkyn eða hvorugkyn

Dæmi:
Auður sérnafn eintala kvenkyn
land samnafn eintala hvorugkyn

_________________________________________

Auður djúpúðga

Auður djúpúðga var fræg landnámskona. Hún var mjög vitur og merkir viðurnefnið djúpúðga hin djúpvitra. Hún kom til Íslands eftir að hafa misst manninn sinn Ólaf hvíta í orustu á Írlandi. Son sinn Þorstein hafði hún einnig misst í orustu í Skotlandi.

Hún nam land í Dalasýslu og bjó á bæ sem heitir Hvammur. Mörgum skipverjum sínum gaf hún land og eru bæir og dalir nefndir eftir þeim. Dæmi um það eru Ketilsstaðir, Hörðudalur og Hundadalur. Ein af Íslendingasögunum fjallar um Auði og þá sem komu með henni til Íslands. Það er Laxdæla saga.

Auður var kristin kona en það voru ekki allir landnámsmenn. Flestir þeirra voru heiðnir og trúðu á æsi. Í Landnámabók er sagt að Auður hafi haft bænahald á Krosshólum. Þar lét hún reisa þrjá krossa. Vinir hennar og ættingjar höfðu mikla trú á þessum stað. Steinkross sem er minnisvarði um Auði djúpúðgu er þar nú.

Úr: Komdu og skoðaðu landnámið Jóhanna Karlsdóttir og Sigrún Helgadóttir. Námsgagnastofnun, 2003.